12:16pm 11 November 2026
NEWS
ഔദ്യോഗിക സന്ദർശനം പൂർത്തിയാക്കി ബ്രൂണെ കിരീടാവകാശി ദോഹയിൽ നിന്ന് മടങ്ങി
11/11/2026 11:45 AM IST
nila
ദോഹ: ഖത്തറിലെ ഔദ്യോഗിക സന്ദർശനം വിജയകരമായി പൂർത്തിയാക്കി ബ്രൂണെ ദാറുസ്സലാം കിരീടാവകാശിയും പ്രധാനമന്ത്രിയുടെ ഓഫീസിലെ സീനിയർ മന്ത്രിയുമായ പ്രിൻസ് അൽ-മുഹ്തദീ ബില്ലായും (Prince Al-Muhtadee Billah) സംഘവും ദോഹയിൽ നിന്ന് യാത്രതിരിച്ചു.
ദോഹ അന്താരാഷ്ട്ര വിമാനത്താവളത്തിൽ വെച്ച് ഖത്തർ ഫണ്ട് ഫോർ ഡെവലപ്‌മെൻ്റ് (QFFD) ചെയർമാൻ ശൈഖ് ഥാനി ബിൻ ഹമദ് ബിൻ ഖലീഫ ആൽഥാനി, ഖത്തറിലെ ബ്രൂണെ അംബാസഡർ മുഹമ്മദ് ബഹ്‌റിൻ അബുബക്കർ, ബ്രൂണെയിലെ ഖത്തർ അംബാസഡർ അബ്ദുല്ല ഹമദ് അലി അൽ-അദാം അൽ-മർറി എന്നിവർ ചേർന്ന് കിരീടാവകാശിക്കും സംഘത്തിനും ഊഷ്മളമായ യാത്രയയപ്പ് നൽകി.
ഖത്തർ സന്ദർശനത്തിനിടെ അദ്ദേഹം രാജ്യത്തെ പ്രമുഖ വ്യക്തിത്വങ്ങളുമായി കൂടിക്കാഴ്ച നടത്തുകയും ഖത്തർ നാഷണൽ ലൈബ്രറി, നാഷണൽ മ്യൂസിയം തുടങ്ങി വിവിധ സാംസ്കാരിക കേന്ദ്രങ്ങൾ സന്ദർശിക്കുകയും ചെയ്തിരുന്നു.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
